ప్రపంచ ఆదివాసీల దినోత్సవాన్ని విజయవంతం చేయండి
– ఆదివాసి హక్కుల పోరాట సమితి తుడుందెబ్బ.
వెంకటాపురం నూగూరు, తెలంగాణ జ్యోతి : ములుగు జిల్లా వెంకటాపురం మండల కేంద్రంలో ఆర్ అండ్ బి గెస్ట్ హౌస్ లో బుధవారం తుడుం దెబ్బ రాష్ట్ర సహాయ కార్యదర్శి మడకం చిట్టిబాబు అధ్యక్షతన అత్యవసర సమావేశం ఏర్పాటు చేశారు. ఈ కార్యక్రమంలో రాష్ట్ర ఉపాధ్యక్షులు కబ్బాక శ్రావణ్ కుమార్ మాట్లాడుతూ ఆగస్టు 9న ప్రపంచ ఆదివాసీల దినోత్సవం వెంకటాపురం మండల కేంద్రంలో, ఆదివాసి హక్కుల పోరాట సమితి తుడుందెబ్బ ఆధ్వర్యంలో ఘణంగా నిర్వహించాలని కోరారు. ఈ కార్యక్రమానికి ఆది వాసి మేధావులు, ఆదివాసి ప్రజాప్రతినిధులు, ఆదివాసి ఉద్యో గులు,ఆదివాసి నాయకులు, ఆదివాసి ప్రజలు, హాజరై విజ యవంతం చేయగలరని పిలుపు నిచ్చారు. ఈ కార్యక్రమంలో రాష్ట్ర కోశాధికారి పాయం జానకి రమణ, జిల్లా ఉపాధ్యక్షులు, కాపుల సమ్మయ్య, జిల్లా కార్యదర్శి, సిద్ధబోయిన సర్వేశ్వర రావు, కుచ్చింటి చిరంజీవి, డివిజన్ నాయకులు పాయం కిరణ్, బొగ్గుల విష్ణు తదితరులు పాల్గొన్నారు.
