ఈ నెల 19న ములుగులో మెగా జాబ్ మేళా
– జాబ్ మేళా లో పాల్గొననున్న 58 కంపెనీలు
– నిరుద్యోగ యువత సద్వినియోగం చేసుకోవాలి : మంత్రి సీతక్క.
తెలంగాణ జ్యోతి, ములుగు ప్రతినిధి : జిల్లాలోని నిరుద్యోగ యువతీ యువకులు ఈ నెల 19న ములుగు మండలంలోని ఇంచర్ల ఎంఆర్ గార్డెన్ లో నిర్వహించే మెగా జాబ్ మేళాను సద్వినియోగం చేసుకోవాలని మంత్రి సీతక్క కోరారు. ఈ జాబ్ మేళాలో విప్రో, ముథ్ డ్ గ్రూప్స్,అపోలో ఫార్మసీ,వరుణ్ మోటార్స్,నెక్సా మోటార్స్, యాక్సిస్ బ్యాంక్, వెట్రో సాఫ్టెక్ సొల్యూషన్ మేడ్ ప్లస్, ఎగ్జైట్ ఐ సొల్యూషన్, సేవన్ టెక్ ఐటి సొల్యూషన్, శ్రీ చైతన్య విద్య సంస్థలు వంటి 58 కంపెనీలు మెగాజాబ్ మేళా లో పాల్గొంటాయన్నారు. విద్యార్హతలు 7వ తరగతి నుండి డిగ్రీ తో పాటు వృత్తి విద్య కోర్సులు చేసిన వారికి వారి,వారి విద్య అర్హత ను బట్టి ఇంటర్వ్యూ నిర్వహించి వెంటనే ఉద్యోగాల్లో చేర్చుకోవడం జరుగుతుందన్నారు. కావున ములుగు నియోజక వర్గం మరియు జిల్లా లో ఉన్న నిరుద్యోగ యువతీ యువకులు సద్వినియోగం చేసుకోవాలని రాష్ట్ర పంచాయితీ రాజ్ గ్రామీణాభివృద్ధి స్త్రీ శిశు సంక్షేమ శాఖ మంత్రి సీతక్క పిలుపునిచ్చారు.