అగ్ని ప్రమాదంలో ఇల్లు దగ్ధం
మంగపేట, తెలంగాణ జ్యోతి : గురువారం రాత్రి మండలం లోని రాజు పేట చెరుకు మెట్ల దారిలోనీ మోదుగు రాములు ఇల్లు అగ్ని ప్రమాదంలో పూర్తిగా దగ్ధం అయ్యింది. స్థానికులు తెలిపిన వివరాలు ఇలా ఉన్నాయి. రాములు గ్రామం లో టిఫిన్ సెంటర్ నడుపు కుంటున్నాడు. రాత్రి 8 గంటల సమయంలో టిఫిన్ సెంటర్ లో ఉండగా చెరుకు మిట్ట లోని ఇంట్లో విద్యుత్ షార్ట్ సర్క్యూట్ తో ఇంట్లో మంటలు చెలరేగాయని తెలిపారు. విషయం తెలుసుకున్న రాములు అక్కడికి వచ్చే లోపే ఇల్లు పూర్తిగా దగ్ధం అయింది. ఈ ఘటనలో ఇంట్లోని వస్తువులు వంట సామాగ్రి, దుస్తులు, బీరువా, కొంత నగదు, బియ్యం కాలి బూడిదయ్యాయి . వాటి విలువ సుమారు రెండు లక్షల వరకు ఉంటుందని తెలిపారు. ఇళ్ల దగ్ధమై కట్టుబట్టలతో నిలిచిన పేద కుటుంబాన్ని పెద్ద మనసుతో సహాయం చేయాలని గ్రామస్తులు కోరారు.
