అక్టోబర్ 2న ఎంగిలిపూల బతుకమ్మ
- ఈ ఏడాది బతుకమ్మ పండుగ తేదీలు ఇవే..!!
వెంకటాపురం నూగూరు, తెలంగాణ జ్యోతి : తెలంగాణ ఆడబిడ్డలు భక్తి శ్రద్ధలతో సంబరంగా జరుపుకునే పండుగ బతుకమ్మ. తెలంగాణ సంస్కృతీ సంప్రదాయాలకు జీవన విధానానికి ప్రతీకగా నిలిచే ఈ పండుగ వేళ తొమ్మిది రోజుల పాటూ తెలంగాణ వ్యాప్తంగా ఊరూ వాడా ఎక్కడ చూసినా సందడే, సందడి. చిన్నా పెద్దా అంతా వేడుకలలో పాల్గొంటా రు. ముచ్చటగా ముస్తాబై బతుకమ్మలు తయారు చేసి అంతా కలసి ఆడిపాడతారు. ఈ ఏడాది 2024 లో భాద్రపద అమా వాస్య అక్టోబరు 02న వచ్చింది. ఈ రోజు ప్రారంభమయ్యే వేడుకలు తొమ్మిది రోజుల పాటూ వైభవంగా సాగి… అక్టోబరు 10 తో ముగుస్తాయి. భాద్రపద అమావాస్య (అక్టోబరు 02) నుంచి దుర్గాష్టమి (అక్టోబరు10) వరకు బతుకమ్మ వేడుకలు ఘనంగా నిర్వహిస్తారు.
1).అక్టోబర్ 02 బుధవారం భాద్రపద అమావాస్య లేదా మహా లయ అమావాస్య మొదటి రోజు ఎంగిలిపూల బతుకమ్మ
2).అక్టోబర్ 03 గురువారం ఆశ్వయుజ శుక్ల పాడ్యమి – రెండో రోజు అటుకుల బతుకమ్మ నవరా త్రి కలశ స్థాపన రోజు జరుపుకుంటారు.
3).అక్టోబర్ 04 శుక్రవారం ఆశ్వయుజ శుక్ల విదియ – మూడో రోజు ముద్దపప్పు బతుకమ్మ
4).అక్టోబర్ 05 శనివారం ఆశ్వయుజ శుక్ల తదియ – నాలుగో రోజు నానేబియ్యం బతుకమ్మ
5).అక్టోబర్ 06 ఆదివారం ఆశ్వయుజ శుక్ల చవితి – ఐదో రోజు అట్ల బతుకమ్మ
6).అక్టోబర్ 07 సోమవారం ఆశ్వయుజ శుక్ల పంచమి – ఆరో రోజు అలిగిన బతుకమ్మ – ఈ రోజు అమ్మవారికి నైవేద్యం సమర్పించరు
7).అక్టోబరు 08 మంగళవారం ఆశ్వయుజ శుక్ల షష్టి – ఏడో రోజు వేపకాయల బతుకమ్మ
8).అక్టోబరు 09 బుధవారం ఆశ్వయుజ శుక్ల సప్తమి – ఎనిమిదో రోజు వెన్నముద్దల బతుకమ్మ
10).అక్టోబరు 10 గురువారం ఆశ్వయుజ శుక్ల అష్టమి (దుర్గాష్టమి) -సద్దుల బతుకమ్మ
బతుకమ్మ పండుగలో తొమ్మిదో రోజు సద్దుల బతుకమ్మ జరుపుకుంటారు. ఈ రోజు బతుకమ్మలను గడిచిన రోజుల కన్నా పెద్ద పరిమాణంలో తయారు చేస్తారు. ఈ రోజు ఆఖరి రోజు కావడంతో సంబరాలు అంబరాన్నంటుతాయి. భారీ బతుకమ్మలు తయారు చేసి ఆడిపాడిన తర్వాత..తీసుకెళ్లి జలాశాయాల్లో నిమజ్జనం చేస్తారు. బతుకమ్మ పండగ తెలంగాణలో ఎప్పుడు ప్రారంభమైందో చెప్పేందుకు సరైన ఆధారాలు లేవు కానీ వేల ఏళ్లుగా కొనసాగుతోందని చెప్పేందుకు చాలా కథలున్నాయి. దీని వెనుక ఎన్నో కథలు చెబుతారు. జగన్మాత మహిషాసురుడిని చంపిన తర్వాత అలసటతో మూర్ఛపోయిందట. ఆమెను మేల్కొలిపేందుకు స్త్రీలంతా గుమిగూడి ప్రార్థించారట. బతుకమ్మా, బతకమ్మా అంటూ పాటలు పాడారట.. సరిగ్గా పదో రోజు ఆమె నిద్రలేచిందని అప్పటి నుంచి బతుకమ్మ వేడుకలు జరుపు కుంటున్నాని ఓ కథనం ప్రచారంలో ఉంది. ఈ వేడుకలో అలిగిన బతుకమ్మ రోజు మినహా మిగిలిన రోజుల్లో అమ్మవారికి రోజుకో రకమైన నైవేద్యం సమర్పిస్తుంటారు. ఈ వేడుకల్లో పాల్గొనే తెలంగాణ సోదరీమణులను, ఆడబిడ్డ లను చూసేందుకు రెండు కళ్లు సరిపోవు. బతుకమ్మ బతు కమ్మ ఉయ్యాలో బంగారు బతుకమ్మ య్యాలో డీజే పాట లతో గ్రామాల్లో సందడే సందడి.