కన్నాయిగూడెంలో టీబీ పరీక్షలు
తెలంగాణజ్యోతి, జూలై18, కన్నాయిగూడెం : మండల ప్రాథమిక ఆరోగ్య కేంద్ర పరిధిలో డాక్టర్ అభినవ్ నేతృత్వంలో శుక్రవారం టీబీ ముక్త్ భారత్ కార్యక్రమంలో భాగంగా టీబి పరీక్షలు నిర్వహించారు. ఉప కేంద్రాలైన కన్నాయిగూడెం, రాజన్నపేట పరిధి గ్రామాల్లో దగ్గు, జ్వర లక్షణాలతో బాధపడుతున్న వారిని గుర్తించి, వారి ఆరోగ్య పరిస్థితిని పరీక్షించారు. అవసరమైన రోగులను ఎక్స్‌రే కోసం 102 వాహనంలో ఏటూరునాగారం ప్రభుత్వ ఆసుపత్రికి తరలించారు. కార్యక్రమంలో డాక్టర్ అన్మిష, ఎస్టీఎల్ఎస్ రవి, హెల్త్ అసిస్టెంట్లు లక్ష్మణ్, సబితా, కవితతో పాటు ఆశా వర్కర్లు పాల్గొన్నారు.
