ఎదురెదురుగా ఇసుక లారీలు ఢీ - డ్రైవర్లకు తీవ్ర గాయాలు

వెంకటాపురం నూగూరు, తెలంగాణ జ్యోతి : ములుగు జిల్లా వాజేడు మండలం 163 జాతీయ రహదారి గుమ్మడి దొడ్డి వంతెన సమీపంలో శుక్రవారం మధ్యాహ్నం ఎదురెదు రుగా రెండు ఇసుక లారీలు వేగంగా ఢీకొన్నాయి. ఈ ఘటన లో ఇద్దరు డ్రైవర్లకు తీవ్ర గాయాలయ్యాయి. లారీల ముందు భాగాలు నుజ్జు నుజ్జు అయ్యాయి. తెలిసిన వివరాల ప్రకారం ... ఇసుక లోడింగ్ తో వస్తున్న లారీ, ఇసుక లోడింగ్ కోసం వెళ్తున్న మరో  ఖాళీ లారీ ఎదురెదురుగా వేగంగా ఢీకొన్నా యి. దీంతో ఒక లారీ డ్రైవర్ కు కాళ్లు చేతులు విరిగిపోగా, మరో డ్రైవర్ కు తీవ్రంగా గాయాలయ్యాయి. ఈ సంఘటనపై పూర్తి సమాచారం తెలియాల్సి ఉంది. క్షతగాత్రులను అంబు లెన్స్ ద్వారా ప్రభుత్వ వైద్యశాలకు చికిత్సకై తరలించారు.