ఏజెన్సీలో వెలిసిన మావోయిస్టు వాల్ పోస్టర్లు

- దగాకోరు ఎన్నికలను బహిష్కరించాలని లేఖలో పేర్కొన్న మావోలు

తెలంగాణజ్యోతి,ఏటూరునాగారం: ములుగు జిల్లా ఏజెన్సీ లో వెలసిన మావోయిస్టు  వాల్ పోస్టర్లు  కలకలం రేపుతు న్నాయి. వాజేడు మండలం జగన్నాథపురంలోని వై-జంక్షన్ వద్ద దగాకోరు పార్లమెంట్ ఎన్నికలను బహిష్కరిం చాలని, హిందుత్వ ఫాసిస్టు బీజేపీ, ఆ పార్టీతో అంటకా గుతున్న ఇతర పార్టీలను తరిమికొట్టాలని వెంకటాపురం-వాజేడు ఏరియా మావోయిస్టు కమిటీ పేరుతో  దారి పొడవునా వాల్ పోస్టర్లు వెలిశాయి. విషయం తెలుసుకున్న పోలీసులు వాల్ పోస్టర్లను తొలగించినట్లు సమాచారం... పార్లమెంట్ ఎన్నికల వేళ మావోయిస్టు కరపత్రాలు కలకలం రేపడంతో ఏజెన్సీ ప్రాంతంలో భ‌యానక వాతావరణం నెలకొంది.