తెలంగాణ ఉద్యమ కారుల ఫోరమ్ విద్యా విభాగం జిల్లా కన్వీనర్ గా కొట్టే సతీష్
కాటారం, తెలంగాణ జ్యోతి ప్రతినిధి : తెలంగాణ ఉద్యమ కారుల ఫోరమ్ విద్యా విభాగం జయశంకర్ భూపాలపల్లి జిల్లా కన్వీనర్ గా కొట్టే సతీష్ ను నియమించారు. జయశంకర్ భూపా లపల్లి జిల్లా కాటారం మండలం గారేపెల్లికీ చెందిన కొట్టే సతీష్ ను నియమించారు. హైదరాబాద్ జె ఎన్ టీయులో బ్యాచిలర్ అఫ్ ఇంజినీరింగ్ పట్టా తీసుకుని, లండన్ లో ఉన్నత చదువులు చదివి, కాకతీయ యూనివర్సిటీ నుండి గ్రామీణ అభివృద్ధి మీద పోస్ట్ గ్రాడ్యుయే షన్ పూర్తి చేసి ప్రస్తుతం శాతవాహన యూనివర్సిటీ లో లాయర్ ఎల్ ఎల్ బీ కోర్స్ చదువు తున్నారు. అలాగే స్వయంకృషి స్వచ్ఛంద సంస్థని స్థాపించి అనేక సేవ కార్యక్రమాలు నిర్వహి స్తున్నారు. ఈ స్వచ్ఛంద సంస్థ ద్వారా జయశంకర్ భూపాలపల్లి లోని కాటారం సబ్ డివిజన్ పరిధిలో అనేక మంది పేద పిల్లలు చదువు కోవడంలో సహాయం అందించడం, ప్రభుత్వ పాఠశాలలో పదో తరగతి పిల్లలకు స్టడీ మెటీరియల్, ఫైనల్ ఎగ్జామ్స్ సమయం లో పెన్నులు, ఎగ్జామ్ ప్యాడ్స్ పంపిణీ చేయటం, ప్రభుత్వ పాఠశాలల్లో పదో తరగతిలో ఫలితాలు సాధించిన అమ్మాయిలకు నగదు పురస్కారం, ప్రతి నెల వారి ఖర్చుల కోసం పాకెట్ మనీ అందచేయటం, ప్రభుత్వ పాఠశాలలో పిల్లలకు కంప్యూటర్ బోధనకు సహకరించటం, గ్రామీణ అంగన్వాడీ సెంటర్లోని పిల్లలకు కుర్చీలు,ఆట వస్తువులు సమకూర్చటం, ఇంపాక్ట్ ఫౌండేషన్ వారి ద్వారా మోటివేషనల్ కార్యక్రమాలు, పరీక్షలు అంటే భయం టాపిక్ మీద ఎన్నో తరగతులు నిర్వ హించటం జరిగింది. ఐటిఐ కళాశాలలో విద్యార్థినిలకు మరుగుదొడ్డి నిర్మించి ఇచ్చినారు. ఇటు వంటి ఎన్నో సేవ కార్యక్రమాలు స్వచ్ఛంద సంస్థ ద్వారా అనేక కార్యక్రమాలు నిర్వహించారు. విద్యా విభాగములో వీరు చేస్తున్న సేవలను గుర్తించి తెలంగాణ ఉద్యమ కారుల ఫోరమ్ రాష్ట్ర కమిటీ కొట్టే సతీష్ ని భూపలపల్లి జిల్లా తెలంగాణ ఉద్యమ కారుల ఫోరమ్ విద్యా విభాగం కన్వీనర్ గా నియమించటం జరిగింది. ఈ నియామకం పట్ల కొట్టే సతీష్ మాట్లాడుతూ తన పై నమ్మకంతో ఈ భాద్యతను ఇచ్చిన ఛైర్మెన్ డాక్టర్ చీమ శ్రీనివాస్, రాష్ట కన్వీనర్ విశ్వనాథన్ కి కృతజ్ఞతలు తెలిపారు. దీనితో తనపై ఇంకా బాధ్యత పెరిగింది అని రాబోయే కాలంలో భూపాలపల్లి జిల్లా లో విద్యా వ్యాప్తికి మరిన్ని సేవలు చేయడానికి ఎల్లపుడు కృషి చేస్తానని వెల్లడించారు.