విస్తృతంగా వాహనాల తనిఖీలు.
వెంకటాపురం నూగూరు, తెలంగాణా జ్యోతి : వెంకటాపు రం చర్ల ప్రధాన రహదారిపై ఆదివారం పాలెం గ్రామ సమీపంలో వెంకటాపురం సివిల్ పోలీస్ సబ్ ఇన్స్పెక్టర్ కే. తిరుపతిరావు ఆథ్వర్యం లో విస్తృతంగా వాహనాలు తనిఖీల కార్యక్రమాన్ని నిర్వహించారు. ఈ సందర్భంగా వచ్చే పోయే వాహనాలను క్షుణ్ణంగా తనిఖీలు నిర్వహించి, అపరిచిత వ్యక్తుల సమాచారాన్ని రాబట్టారు. మద్యం సేవించి వాహనాలు నడపరాదని, ఆయా వాహనాల కు సంబంధించిన ధ్రువీకరణ పత్రాలు కలిగి ఉండాలని, రోడ్డు ప్రయాణ భద్రతా అంశాలపై ఇంధన శకట దారులకు అవగాహన కల్పించారు. వాహనాలు తనిఖీల కార్యక్రమంలో ఎస్.ఐ.కె.తిరుపతిరావు తో పాటు సివిల్ మరియు సిఆర్పి ఎఫ్ సిబ్బంది తదితరులు పాల్గొన్నారు.
