Collector | సుభాష్ కాలనీలో బీసీ వసతి గృహాన్ని పరిశీలించిన కలెక్టర్
భూపాలపల్లి, జూలై 8,తెలంగాణ జ్యోతి : సుభాష్ కాలనీలో నిర్మాణంలో ఉన్న బీసీ బాలురు, బాలికల వసతి గృహాన్ని మంగళవారం జిల్లా కలెక్టర్ రాహుల్ శర్మ పరిశీలించారు. ఈ సందర్భంగా వసతి గృహ నిర్మాణ పనుల పురోగతిని పంచాయతీ రాజ్ ఈఈ వెంకటేశ్వర్లును అడిగి వివరాలు తెలుసుకున్నారు. మొత్తం 8 గదుల నిర్మాణం చేపట్టినట్లు అధికారులు తెలిపారు. నిర్మాణంలో ఆలస్యానికి కారణాలపై కలెక్టర్ ఆరా తీశారు. పనుల నాణ్యత, వేగంపై పలు సూచనలు చేశారు. నిబంధనలకు అనుగుణంగా, త్వరితగతిన పనులు పూర్తిచేయాలని ఆదేశించారు. ఈ కార్యక్రమంలో తహసీల్దార్ శ్రీనివాసులు తదితరులు పాల్గొన్నారు.
