ఛలో ఖమ్మం ఎల్ హెచ్ పి ఎస్ వాల్ పోస్టర్ ఆవిష్కరణ

ఛలో ఖమ్మం ఎల్ హెచ్ పి ఎస్ వాల్ పోస్టర్ ఆవిష్కరణ

కాటారం, తెలంగాణ జ్యోతి : గిరిజన హక్కుల సాధనకై లంబాడి హక్కుల పోరాట సమితి రాష్ట్ర స్థాయి ఉద్యమ కార్యాచరణ సభను జయప్రదం చేయాలని భూపాల్ పల్లి జిల్లా అధ్యక్షుడు సమ్మయ్య నాయక్ అధ్యక్షతన రాష్ట్ర అధ్యక్షుడు రాజేష్ నాయక్, ప్రధాన కార్యదర్శి కృష్ణానాయక్ వాల్ పోస్టర్ ను ఆవిష్కరించారు. ఖమ్మంలో ఈనెల 8వ తేదీన ఐఎంఎ హాల్, పెవిలియన్ గ్రౌండ్ ఎదురుగా జరిగే సభను విజయవంతం చేయాలని కోరారు. భూపాలపల్లి జిల్లా మాలహర్రావు మండలం ఆడువాలపల్లి గ్రామంలో ఆదివారం జిల్లా ఎల్ హెచ్ పి ఎస్ సమావేశం నిర్వహించారు. ఖమ్మంలో నిర్వహించే సభలో పలు డిమాండ్లను పరిష్కరించాలని వాల్ పోస్టర్లు పేర్కొన్నారు. తెలంగాణ లో ప్రభుత్వం నిర్వహించిన కులగణనలో లంబాడీల జనాభా బహిర్గతం చేయాలి. గొర్ బోలి భాషను అధికారికంగా గుర్తించి, కేంద్ర ప్రభుత్వం 8వ షెడ్యూల్ లో చేర్చాలి. ఎస్ టిల 10% రిజర్వేషన్ ను కేంద్ర ప్రభుత్వం 9వ షెడ్యూల్ లో చేర్చాలి, ఎస్ టి లను రిజర్వేషన్ ను కేంద్ర ప్రభుత్వం 7.5% నుండి 14%నికి పెంచాలి,శ్రీ సేవాలాల్ మహారాజ్ జయంతిని ఐచ్చిక సెలవుదినంగా కాకుండా సాధారణ సెలవుదినం గా ప్రకటించాలి, గిరిజనులు సాగు చేస్తున్న పోడు భూముల సమస్యలను శాశ్వతంగా పరిష్కరించి, పోడు భూములకు పట్టాలు,లావణి భూములకు పట్టాలు ఇవ్వాలి,ప్రభుత్వం ద్వారా జారీ చేసిన ట్రైబల్ వెల్ఫేర్ G.O.Ms.No.18, తేది:16.07.2024 ట్రైబల్ అడ్వైజరీ కమిటీ ద్వారా ఏజెన్సీ ప్రాంతంలో 100% శాతం రిజర్వేషన్ అమలు చేయాలి,మైదాన ప్రాంతంలో ఎస్ టి (గిరిజనులు) కోసం ప్రతి జిల్లా కేంద్రంలో ఐటిడిఎ ఏర్పాటు చేయాలి.నూతనంగా ఏర్పాటైన ఎస్టి తండాల గ్రామపంచాయితీలను రెవెన్యూ పంచాయితీగా గుర్తించాలి. గ్రామపంచాయితీల అభివృద్ధి కోసం ప్రత్యేక బడ్జెట్ ను ఏర్పాటు చేయాలి. ఎస్ టిల కోసం ఏర్పాటు చేసిన సబ్ ప్లాన్ నిధులను గిరిజనుల అభివృద్ధి కోసమే ఖర్చు చేయాలి.పెండింగ్ లో ఉన్న ట్రైకార్ ఋణాలకు తక్షణమే నిధులు విడుదల చేయాలి. నిరుద్యోగులకు ప్రకటించిన జాబ్ క్యాలెండర్ ప్రకారం ఉద్యోగాల భర్తీ చేయాలి. నిరుద్యోగుల సమస్యలను శాశ్వతంగా పరిష్కరించాలి. ఈ డిమాండ్ల సాధనకై గిరిజన ప్రజలు, మేధావులు, విద్యార్ధులు, ఉద్యోగులు భారీ సంఖ్యలో పాల్గొని జయప్రదం చేయాలని కోరారు.ఈ కార్యక్రమంలో నంగారాభేరి , అజ్మీరా సమ్మయ్య నాయక్ (డీలర్ ),అజ్మీరా బాలాజీ,బానోత్ రాజేందర్, అజ్మీరా శంకర్,అజ్మీరా సమ్మయ్య, అజ్మీరా రాజు, బానోత్ ఉక్యా నాయక్, అజ్మీరా క్రిష్ణ,బానోతు సమ్మయ్య, బానోత్ శ్రీధర్గార్లు,ఖమ్మం జిల్లా అధ్యక్షులు దశరథ్ నాయక్, జిల్లా నాయకులు. బానోత్ నందు నాయక్, పాల్గొన్నారు.