మీ సేవలో 9 రకాల నూతన సర్వీసులు ప్రారంభం

– జిల్లా ప్రజలు వినియోగించుకోవాలి : ఈడీఎం దేవేందర్ 

      ములుగు ప్రతినిధి : మీసేవా సర్వీసు ద్వారా జిల్లాలోని ప్రజలందరికీ నూతనంగా 9రకాల సేవలు అందుబాటులోకి వచ్చాయని, వినియోగదారులు సద్వినియోగం చేసుకోవా లని ఈ డిస్ట్రిక్ట్ మేనేజర్ దేవేందర్ కోరారు. గురువారం ములుగులోని పలు మీ సేవా కేంద్రాల్లో వినియోగదారులకు నూతన సేవలపై అవగాహన కల్పించారు. ఈ సందర్భంగా ఈడీఎం దేవేందర్ మాట్లాడుతూ కొత్తగా రెవెన్యూ డిపార్ట్మెంట్ నుంచి 6రకాల సర్వీసులు, ఫారెస్ట్ డిపార్ట్మెంట్ నుంచి 2రకాల సర్వీసులు, ఉమెన్ అండ్ చైల్డ్ వెల్ఫేర్, సీనియర్ సిటిజెన్ డిపార్ట్మెంట్ నుంచి ఒక సర్వీసు అందుబాటులోకి వచ్చాయ న్నారు. గ్యాప్ సర్టిఫికేట్, నేమ్ చేంజ్ అఫ్ సిటిజెన్, లోకల్ క్యాండిడేట్ సర్టిఫికేట్, మైనారిటీ సర్టిఫికేట్, ఆదాయం, కులం సర్టిఫికేట్ పునః జారీ, క్రీమీలేయర్, నాన్-క్రీమీ లేయర్ సర్టిఫికేట్, సీనియర్ సిటిజెన్ మెయిన్టనేన్సు మోనిటరింగ్ సిస్టం అప్లికేషన్, వన్యప్రాణులచే చంపబడిన మానవ, పశు వులకు పరిహారానికి అప్లికేషన్, టింబర్ డిపో ఫ్రెష్, రెన్యువల్ కు అప్లికేషన్ సేవలను అందించనున్నారన్నారు. మీసేవా కేంద్రాల నిర్వాహకులు ఎటువంటి తప్పులు లేకుండా అప్లి కేషన్ చేయాలని సూచించారు.