ములుగు మున్సిపాలిటీ బరిలో 83మంది

ములుగు మున్సిపాలిటీ బరిలో 83మంది

– పోటాపోటీగా అభ్యర్థుల ఎంపిక

– 20వార్డుల్లో 76మంది విత్ డ్రా

ములుగు ప్రతినిధి, ఫిబ్రవరి 3, తెలంగాణ జ్యోతి  : రాష్ట్రంలోనే కొత్తగా ఏర్పడిన ములుగు మున్సిపాలిటీపై అభ్యర్థుల ఆశలు మిన్నంటుతు న్నాయి. 20వార్డులకు గాను 192మంది నామినేషన్లు వేయగా ప్రధాన పార్టీలు ఒక్కొక్కరికి బీఫారాలు ఇచ్చి బరిలోనిలిపింది. ఒక్కో వార్డులో ఎక్కువమంది నామినేషన్లు వేయడంతో అభ్యర్థులను బుజ్జగించడంలో ప్రధాన పార్టీలైన కాంగ్రెస్, బీఆర్ఎస్ నాయకులు నిమగ్నమై ఎట్టకేలకు పలువురు ఆశావహులను విత్ డ్రా చేయించారు. మొత్తం 76మంది విత్ డ్రా చేసుకోగా 83మంది అభ్యర్థులు ఆయా పార్టీల నుంచి బరిలో నిలిచారు. రాష్ట్ర పంచాయతీరాజ్ శాఖ మంత్రి సీతక్క కాంగ్రెస్ అభ్యర్థుల కు బీఫారాలు అందించగా మాజీ మంత్రి సత్యవతి రాథోడ్ బీఆర్ఎస్ అభ్యర్థులకు బీఫారాలు అందజేశారు. అదేవిధంగా బీజేపీ నుంచి కూడా 20మంది అభ్యర్థులు బరిలో నిలిచారు. అయితే 13వ వార్డులో అత్యధికం గా 9మంది బరిలో ఉండగా 7గురు 9వ వార్డు, 16వ వార్డులో ఆరుగురు బరిలో నిలిచారు. కాంగ్రెస్, బీఆర్ఎస్, బీజేపీ తరఫున 20చొప్పున బరిలో ఉండగా సీపీఎం ఇద్దరు, రిజిస్టర్డ్ పార్టీ తరఫున ఒకరు, ఇండిపెండెంట్లుగా 20మంది అభ్యర్థులు బరిలో నిలిచారు. ఇక నుంచి ఆయా వార్డుల్లో ప్రచార హోరు ఉండనుంది. బీఆర్ఎస్ నుంచి అత్యధికంగా 75శాతం బీసీలకే బీఫారం అందించినట్లు జిల్లా అద్యక్షుడు కాకులమర్రి లక్ష్మణ్ బాబు తెలిపారు. తుది అభ్యర్థుల ప్రకటనతో ములుగు మున్సిపాలిటీ ఎన్నికల ప్రచారం మరింత ఊపందుకోనుందని రాజకీయ వర్గాలు పేర్కొంటున్నాయి