తాడ్వాయి అడవులపై వాతావరణం దాడి.. ఆలస్యంగా వెలుగులోకి...

– ఎర్త్​ కేక్ నా.. గాలి బీభత్సమా..?

– తీవ్ర గాలులతో వేల సంఖ్యలో నేలకూలిన చెట్లు

– ఎటూ తేల్చలేని అటవీ అధికారులు

ములుగు ప్రతినిధి : అడవులపై వాతావరణం దాడి చేసిందా..? గాలివాన బీభత్సం సృష్టించిందా..? లేక ఎర్త్​ కేక్​ నా..? ములుగు జిల్లాలోని తాడ్వాయి అడవుల్లో అసలు ఏం జరిగింది.? అనేది అంతుపట్టని సమస్యగా మిగిలింది. ఒకటి కాదు రెండు కాదు వేల సంఖ్యలో భారీ వృక్షాలు నేలరా లడం.. అదికూడా ఓ వరుస క్రమంలో సుమారు ఎటూ కిలో మీటరున్నర విస్తీర్ణంలో నేలరాటడంపట్ల ఇటు అధికారులు, ప్రజలు విస్తుపోతున్నారు. ఆగస్టు 31న భారీ వర్షాలు కురిసిన నేపథ్యంలో తీవ్ర గాలులు వీయడంతో తాడ్వాయి నుంచి మేడారం రూట్​ లో కిలోమీటర్ మేర రోడ్డుకు అడ్డంగా వరుస క్రమంలో చెట్లు నేలకొరిగాయి.. ప్రధాన రహదారికి ఇరు వైపు లా కిలో మీటరున్నర విస్తీర్ణంలో భారీ వృక్షాలన్నీ నేలకూ లాయి. ఈ వింత ధోరణితో ఫారెస్ట్​, జిల్లా అధికారులు నివ్వెర పోయారు. రోడ్డుపై పడిన చెట్లను పోలీసు అధికారులు గంటలతరబడి శ్రమించి డోజర్లు, జేసీబీల సహాయంతో తొలగించారు.

 మూడు రోజుల్లోనే ప్రకృతి విధ్వంసం

ఆగస్ట్​ 30 నుంచి 3 రోజులుగా కురిసిన భారీ వర్షాలు మరియు విస్తృతమైన వరదల మధ్య ఏటూరునాగారం వన్యప్రాణుల అభయారణ్యంలో గణనీయమైన విధ్వంసం సృష్టించిందని ప్రకృతి ప్రేమికులు అంచనా వేస్తున్నారు. సుమారు 200 హెక్టార్లలో విస్తరించి ఉన్న సుమారు 50వేల చెట్లు 2 కిలోమీటర్ల విస్తీర్ణంలో రేఖీయ నమూనాలో పడి పోవడం ఆశ్చర్యానికి గురిచేస్తోంది. తాడ్వాయి – మేడారం గ్రామాల మధ్య జరిగిన ఈ వింత ఘటనతో అటవీశాఖ అధికారులు ఉలిక్కిపడ్డారు. నల్లమద్ది, తెల్లమద్ది, ఎగిస, జువ్వి, నారెప, మారేడు, ఇప్ప వంటి మిశ్రమ జాతుల చెట్లను ఆగస్టు 31న సాయంత్రం 5.30గంటల నుంచి 7.30 గంటల మధ్య కుప్పకూలినట్లు అటవీ అధికారులు భావిస్తున్నారు. ఫారెస్ట్​ జిల్లా అధికారులు డ్రోన్​ సహాయంతో చిత్రీకరించి ఎంతమేర వృక్షాలు నేలరాలాయో పరిశీలించారు. అయితే భారీ గాలులకు చెట్లు నేలకొరిగాయా లేక ఏదైనా భూకంపం లాంటిది సంభవించిందా అనే కోణంలో ప్రశ్నలు వినిపిస్తు న్నాయి. ఎర్త్ కేక్​ కాకుంటే అంత విస్తీర్ణంలో భూపొరల్లో ఏవైనా మార్పులు సంభవించాయా అనే కోణంలో పర్యా వరణ వేత్తలు విశ్లేషిస్తున్నారు. మొత్తంగా ములుగు జిల్లాలోని తాడ్వాయి అడవుల్లో క్లౌడ్​ బరస్ట్ జరిగిందనే వార్తలు సోషల్​ మీడియాలో వైరల్​ గా మారాయి. ఈ సంఘటన నాలుగు రోజుల క్రితం జరిగినా ఆలస్యంగా వెలుగులోకి వచ్చింది. కాగా మంగళవారం అడవి శాఖ సిసిఎఫ్ తాడువాయి మేడారం రూట్లో పడిపోయిన చెట్లను పరిశీలించారు. వేల వృక్షాలు ఏ విధంగా పడ్డాయి అనే విషయంపై ఆరా తీశారు. డీఎఫ్ఓ రాహుల్ కిషన్ జాదవ్ తో కలిసి నేల కూలీల చెట్లను పరిశీలించిన అనంతరం భారీ మొత్తంలో వృక్షాలు నేలకు కూలడంపై ఆరా తీశారు. ఇంకేమైనా కారణాలు ఉన్నాయని కోణంలో దర్యాప్తు చేస్తున్నారు.