నక్సల్స్ బాధితులు అదైర్య పడొద్దు

– ప్రభుత్వ సాయం అందిస్తాం​

– నక్సల్స్​ చేతిలో మృతిచెందిన వారి కుటుంబాలకు పరామర్శ : ఎస్పీ శబరీష్

ములుగు ప్రతినిధి : ప్రజావ్యతిరేక కార్యకలాపాలకు పాల్ప డుతూ అమాయకులను పొట్టన పెట్టుకుంటున్న మావోయి స్టులకు ఎవరూ సహకరించొద్దని, వారి చేతిలో నష్టపోయిన బాధితులు అధైర్య పడొద్దని జిల్లా ఎస్పీ డాక్టర్​ పి.శబరీష్​ సూచించారు. ప్రభుత్వం నుంచి అందించే ఎక్స్​గ్రేషియా త్వరగా అందేలా చూస్తామని భరోసా ఇచ్చారు. శనివారం ములుగు జిల్లా వాజేడు మండలంలోని నక్సలైట్ల చేతిలో మృతి చెందిన ఉయిక రమేష్, ఉయిక అర్జున్ ల కుటుంబా లను పరామర్శించిన జిల్లా ఎస్పీ శబరీష్​ అధైర్య పడొద్దని సూచించారు. ప్రభుత్వ ఉద్యోగం, ఎక్స్గ్రేషియా త్వరితగతిన అందేలా చర్యలు తీసుకుంటామన్నారు. ఇరు కుటుంబాల లోనిల పిల్లల చదువు కోసం తన వంతుగా ఆర్థిక సహాయం అందజేశారు. మావోయిస్టులు పనికిరాని సిద్ధాంతాలను వీడి జనజీవన స్రవంతిలో కలవాలని ఈ సందర్భంగా పిలుపు నిచ్చారు. లొంగిన మావోలకు జీవన భృతి కల్పిస్తామన్నారు. ఈ కార్యక్రమంలో స్థాపిక పోలీసు అధికారులు పాల్గొన్నారు.