బిట్స్ స్కూల్ లో ఘనంగా స్వాతంత్ర్య దినోత్సవ వేడుకలు
బిట్స్ స్కూల్ లో ఘనంగా స్వాతంత్ర్య దినోత్సవ వేడుకలు
– అలరించిన విద్యార్థుల వేషధారణలు
ములుగు ప్రతినిధి : బిట్స్ స్కూల్ లో ఘనంగా స్వాతంత్ర్య దినోత్సవ వేడుకలను నిర్వహించారు. గురువారం ములుగు లోని బిట్స్ హైస్కూల్ లో ప్రిన్సిపల్ కె.రజినీకాంత్ ఆధ్వర్యంలో, ప్రాథమిక పాఠశాలలో ప్రిన్సిపల్ జి.కవిత ఆధ్వర్యంలో జాతీయ జెండాను ఆవిష్కరించారు. ఈ సందర్భంగా నిర్వహిం చిన వేడుకల్లో విద్యార్థులు జాతీయ నాయకుల వేష ధారణ ల్లో అలరించారు. మహాత్మాగాంధీ, భారతమాత, భగత్ సింగ్, నేతాజీ సుభాష్ చంద్రబోస్, తదితర వేషధారణల్లో విద్యార్థు లు ప్రదర్శనలు ఇచ్చారు. విద్యార్థులు వేసిన భారత ఆర్మీ ప్రత్యేక స్కిట్ అలరించింది. విద్యార్థులు జాతీయ భావాలను, దేశభక్తిని పెంపొందించు కోవాలని, ఎందరో వీరుల త్యాగాల తో దేశానికి స్వాతంత్ర్యం లభించిందని ప్రిన్సిపల్స్ రజినీ కాంత్, కవిత పేర్కొన్నారు. వ్యక్తిగత నిర్మాణంతోపాటు చదువుల్లో రాణించి తల్లి దండ్రులు, గురువులకు మంచి పేరు తీసుకురావాలని సూచించారు. ఈ కార్యక్రమంలో మహర్షి విద్యాసంస్థల కరస్పాండెంట్ తుమ్మ పిచ్చిరెడ్డి, అధ్యాపకులు సంజయ్, సుధాకర్, బిట్స్ స్కూల్ ఉపాధ్యాయులు లావుడ్య రాజు, పూర్ణేందర్, భాగ్యలక్ష్మీ, సుష్మ, ఆమని, స్వర్ణలత, తాజున్నీస బేగం, బి.రాజ్ కుమార్, విద్యార్థులు, తదితరులు పాల్గొన్నారు.
