సంక్షేమ ఫథకాలే గెలుపుకు పునాది రాళ్లు

• అభివృద్దిని చూసి ఓటు వేయ్యండి
• బిఆర్ఎస్ ఎమ్మెల్యే అభ్యర్థి బడే నాగజ్యోతి

ఏటూరునాగారం ప్రతినిధి : సంక్షేమ పథకాలే తన గెలుపుకు పునాది రాళ్లు అని ములుగు జడ్పీ చైర్ పర్సన్, బీఆర్ఎస్ పార్టీ అభ్యర్థి బడే నాగజ్యోతి అన్నారు. బుధవారం ఆమె ఏటూరు నాగారంలో గల ఓడగూడెంలో అంజనేయ స్వామి దేవాలయం వద్ద ప్రత్యేక పూజలు నిర్వహించిన అనంతరం అక్కడి నుండి తన ప్రచారాన్ని జిల్లా అధ్యక్షులు కాకులమర్రి లక్ష్మీనరసింహరావు, పార్టీ శ్రేణులుతో కలిసి ప్రచారం నిర్వహించారు. స్థానిక మహిళలు, యువకులు , గ్రామ ప్రజలు , బతుకమ్మలతో ఘన స్వాగతం పలుకగా బడే నాగజ్యోతి స్థానిక సమస్యలను తెలుసుకుంటూ తన ప్రచారం నిర్వహించారు. ఈసందర్బంగా ఆమె మాట్లాడుతూ తెలంగాణ రాష్ట్ర ప్రభుత్వం చేసిన అభివృద్దే తన ప్రచారానికి అస్త్రాలని, కళ్ళ ముందు కనిపిస్తున్న అభివృద్దిని చూసి తనకు ఓటు వేయ్యాలని, తనకు ఓటు వేసి గెలిపిస్తే ముఖ్యమంత్రి కేసిఆర్ కు తన మద్దతు తెలిపినట్లేనని నియోజక వర్గంలో ముఖ్యమంత్రి కేసిఆర్ ప్రవేశపెట్టిన సంక్షేమ పథకాలు అందని ఇల్లు లేదని ఆమె అన్నారు. ఈ కార్యక్రమంలో ములుగు జిల్లా అధ్యక్షులు కాకులమార్రి లక్ష్మీనరసింహరావు(లక్ష్మణ్ బాబు), మండల పార్టీ అధ్యక్షులు గడదాసు సునీల్ కుమార్, జిల్లా కో ఆప్షన్ ఎండి వలియాబీ సలీం, ఎంపీపీ అంతటి విజయ నాగరాజు, సీనియర్ నాయకులు తుమ్మ మల్లారెడ్డి, కాకులమర్రి ప్రతి బాబు, శివాలయం చైర్మన్ తాడూరి రఘు,వలీ బాబా ఎంపీటీసీలు కోట నరసింహులు, కుమ్మరి స్వప్న, చంద్రబాబు లతోపాటు తదితరులు పాల్గొన్నారు.