మున్నూరుకాపు కులస్థుల సంక్షేమం కోసం కృషి చేస్తా....

-రూ.50లక్షల నిధులతో కమ్యూనిటీ హల్ నిర్మాణానికి సహకరిస్తా

-అభివృద్ధి జరగాలంటే రానున్న ఎన్నికల్లో భారీ మెజారిటీతో గెలిపించుకోవాలి...

-మున్నూరు కాపు ఆత్మీయ సమ్మేళనంలో బిఆర్ఎస్ మంథని ఎమ్మెల్యే అభ్యర్థి పుట్ట మధుకర్

తెలంగాణ జ్యోతి, నవంబర్ 23, కాటారం ప్రతినిధి: మున్నూరు కాపు కులస్థుల సంక్షేమం కోసం కృషి చేస్తానని బిఆర్ఎస్ మంథని ఎమ్మెల్యే అభ్యర్థి పుట్ట మధుకర్ అన్నారు. కాటారం మండలంలో మున్నూరు కాపు యువత మండల అధ్యక్షులు తోట కోటేశ్వర్, మున్నూరు కాపు సంఘం మండల అధ్యక్షులు దబ్బేట రాజేష్ ఆధ్వర్యంలో ఏర్పాటు చేసిన మున్నూరు కాపు కులస్థుల ఆత్మీయ సమ్మేళనం కార్యక్రమానికి పుట్ట మధుకర్ ముఖ్య అతిధిగా హాజరై మాట్లాడారు. కులసంఘ కమ్యూనిటీ హాల్ భవన నిర్మాణం కోసం కాటారం మండలం మండలం గారెపల్లి గ్రామానికి చెందిన చీమల రాజయ్య పటేల్ , చీమల వెంకటస్వామి పటేల్ లు వారి తండ్రి చీమల పోచయ్య పటేల్ జ్ఞాపకార్థం కాటారం మండలకేంద్రంలో 15గుంటల భూమిని విరాళంగా ఇచ్చారు. కాగా మున్నూరు కాపు కుల సంఘ నాయకులు చీమల రాజయ్యకు సమ్మేళనం కార్యక్రమ వేదిక వద్ద శాలువతో ఘనంగా సన్మానించారు.అదేవిధంగా బిఆర్ఎస్ మంథని ఎమ్మెల్యే అభ్యర్థి పుట్ట మధుకర్ మున్నూరు కాపు సంఘం కుల సంఘ భవన నిర్మాణం కోసం రూ.50 లక్షల నిధుల కోసం సహకరిస్తానని సమ్మేళన కార్యక్రమం లో వారు హామీ ఇచ్చారు. అనంతరం వారు మాట్లాడుతూ... మున్నూరు కాపు కులస్తులు ఐకమత్యంతో ఉండి హక్కులను కాపాడుకుంటూ, అన్ని రంగాలలో రాణించాలని పిలుపునిచ్చారు. మున్నూరు కాపు కులస్థులు అభివృద్ధి చెందాలంటే రానున్న ఎన్నికల్లో బిఆర్ఎస్ పార్టీ మంథని ఎమ్మెల్యే అభ్యర్థిగా మున్నూరు కాపుకు చెందిన పుట్ట మధు అను నేను పోటీలో ఉన్నానని, తమకు మున్నూరు కాపు కులస్తులంతా సహకరించి అమూల్యమైన ఓటు వేసి భారీ మెజారిటీతో గెలిపించుకోవాలని కోరారు. అనంతరం అందరూ కలిసి కట్టుగా కేక్ కట్ చేసి నినాదాలు చేశారు. ఈ కార్యక్రమంలో మున్నూరు కాపు సంఘం రాష్ట్ర అధ్యక్షులు బండి సంజీవ్, జయశంకర్ భూపాలపల్లి జిల్లా అధ్యక్షులు దబ్బెట మహేష్, పెండ్యాల సంపత్, కవాల శేఖర్ తోట జనార్ధన్, చీమల వంశీ, కొట్టె రాజేశం, గట్టు రమేష్ బాసాని రవి కాగిత విటల్ రాజబాబు మున్నూరు కాపు కులస్తులు పెద్ద ఎత్తున పాల్గొన్నారు