పలు అభివృద్ధి పనులను ప్రారంభించనున్న మంత్రి దుద్దిల్ల శ్రీధర్ బాబు
కాటారం, తెలంగాణ జ్యోతి : జయశంకర్ భూపాలపల్లి జిల్లా కాటారం మండలంలో శనివారం ఐటి పరిశ్రమల శాఖ మంత్రి దుద్దిల్ల శ్రీధర్ బాబు పలు అభివృద్ధి పనుల ప్రారంభోత్సవం, శంకుస్థాపన లు చేస్తారని మంత్రి వ్యక్తిగత సహాయకులు ఆకుల చంద్రశేఖర్ ఒక ప్రకటనలో తెలిపారు. కీర్తిశేషులు మాజీ స్పీకర్ శ్రీపాదరావు వర్ధంతి సందర్భంగా కాటారంలో ఆదివారం ఉ. 9-30కి శ్రీపాద రావు విగ్రహానికి మంత్రి శ్రీధర్ బాబు పూలమాల వేసి నివాళులర్పిస్థారు. డిఎంఎఫ్ టి పథకం లో రూ 50 లక్షలతో నిర్మించిన కాటారం నూతన గ్రామపంచాయతీ భవనాన్ని ప్రారంభోత్సవం, ఇదే స్థలంలో కాటారం మండలానికి సంబంధించిన రూ ఒక కోటి వ్యయం తో స్పోర్ట్స్ స్టేడియం కాంప్లెక్స్ నిర్మాణం (వాలీబాల్ కోర్టు, బాస్కెట్ బాల్ కోచ్, బ్యాడ్మింటన్ కోర్టు,ఓపెన్ జిమ్, క్రికెట్ నెట్,) నకు శంకుస్థాపన, రూ14 లక్షలతో చిల్డ్రన్స్ పార్క్, రూ2 కోట్లతో పిడబ్ల్యు రోడ్డు దామరకుంట నుండి మానేరు వరకు బీటీ రోడ్, రూ3 కోట్లతో ఒడిపిలవంచ నుండి గూడూరు జెడ్పీ రోడ్డు వరకు బీటీ రోడ్డు, రూ 3 కోట్ల,95 లక్షలతో పిడబ్ల్యు రోడ్డు టు ధన్వాడ బూడిద పల్లి వరకు బీటీ రోడ్డు, రూ 2 కోట్లతో గుండ్రాతుపల్లి నుండి ఉట్లపల్లి పోచమ్మ టెంపుల్ వరకు బీటీ రోడ్డు, రూ 1కోటి 90 లక్షల తో కాటారం మండలంలోని గ్రామాలలో ఎస్సీ కాలనీలో అంతర్గత సిసి రోడ్డు, సైడ్ డ్రైన్స్ నిర్మాణకు శంకుస్థాపన చేస్తారు. కాటారం, మహాముత్తారం, మలహర్ రావు,మహాదేవ్ పూర్, సంబంధించి ప్రతి మండలానికి ఒక వైకుంఠ రథమును అంబేద్కర్ చౌరస్తాలో మంత్రి శ్రీధర్ బాబు చేతుల మీదుగా ప్రారంభోత్సవం నాలుగు మండలాలకు పంపిణీ , కోటక్ మహేంద్ర సి ఎస్ ఆర్ నుండి అందిస్తున్న అంబులెన్స్ ను పలిమెల మండలానికి మంత్రి ప్రారంభోత్సవం చేస్తారు. ఉదయం 11: 30 నిమిషాలకు శ్రీపాద రావు వర్ధంతి సందర్భంగా పుష్పగిరి ఆసుపత్రి ఆధ్వర్యంలో నిర్వహిస్తున్న ఉచిత కంటి పరీక్షలు, అద్దాలు పంపిణీ, కార్యక్రమం, మంత్రి దుద్దిళ్ళ శ్రీధర్ బాబు ద్వారా మంజూరైన కాటారం, మహాదేవపూర్, మహ ముత్తారం, మలహర్ రావు, పలిమెల మండల కు సంబంధించి 243 మంది లబ్ధిదారులకు రూ 1కోటి 90 లక్షల సి ఎం ఆర్ ఎఫ్ చెక్కులు, చెక్కులను పంపిణీ చేయనున్నారు. మధ్యాహ్నం 3 గంటలకు ధన్వాడ పాఠశాలలో 100 డేస్క్ బెంచ్ లను కాటారం మండలానికి సంబంధించిన 8 పాఠశాలలకు అందించనున్నారు, సబ్ స్టేషన్ వద్ద 1కోటితో ఏర్పాటుచేసిన పి టి ఆర్ ను ప్రారంభోత్సవం చేయనున్నారు, ధన్వడలోని సోలార్ ను ప్రారంభిస్తారు.
